Ӧтуввезйын ме тшӧкыда йӧзӧдла патераяс ньӧбӧм йылысь юӧр. И ӧтчыд ме дорӧ шыӧдчис нывбаба. Вӧзйи сылы аддзысьлӧмӧн сёрнитны.
Ӧні пӧ пандемия вӧсна волыны ог вермы, ола Италияын да, – вочавидзис сійӧ. Тадзи ме тӧдмаси Надежда Сямтомовакӧд. Таӧдз кывлі нин Сямтомов ова войтыр йывсьыд.
Кӧрткерӧс районысь Висерса шӧр школаын велӧдліс Альберт Пантелеймонович Сямтомов, а сэсся дыркодь уджавліс Сыктывкарын велӧдысьяслысь тӧдӧмлун сӧвмӧдан институтын.